Norddalsfjord har fleire arbeidsplasser som ligg opp gjennom dalen.

Når ein starter på Haukaa ytterst i dalen ligg Marine Harvest sitt smolt og yngelanlegg som var starta på tidleg på 1980 talet. Der er produksjon av både smolt og yngel som blir levert til andre anlegg i Marine Harvest sine anlegg rundt om i Norge, samt ein del til eksterne anlegg.

Når ein kjem inn på Nordal ligg Firda Settefisk sitt smolt og yngelanlegg starta i 1987, som produserer både smolt og yngel av både laks og aure som blir levert til både interne og eksterne anlegg rundt om i landet. Dei er ein del av Firda gruppen som har fleire anlegg rundt om på vestlandet.

Hogg og Belegg som driv med det meste av leigekjøyring med traktor som snørydding, kantslått og felling av skog.

Jarl Solheim Transport tar på seg det meste innen veibygging, tomter, brøyting.

Det er ellers ei aktiv jordbruksbygd.